काठमाडौं । केपी ओली कप फुटबल च्याम्पियनसिपको तेस्रो संस्करण फागुन ११ गतेदेखि सुरु हुने भएको छ ।
आयोजक राष्ट्रिय युवा सङ्घ नेपालले बुधबार पत्रकार सम्मेलन गर्दै केपी ओली कपको उद्घाटन फागुन ११ मा सुरु भएर १९ गते समापन हुने जनाएको हो ।
प्रतियोगिताको क्वाटरफाइनलसम्मका खेल सातदोबाटोस्थित एन्फा कम्प्लेक्समा खेलाइने छ । सेमिफाइनल तथा फाइनल खेल दशरथ रङ्गशालामा हुनेछ ।
विजेताले १५ लाख ११ हजार १११ रुपैयाँ प्राप्त गर्नेछ भने उपविजेताले ५ लाख रुपैयाँ प्राप्त गर्नेछ ।
यसैगरी उत्कृष्ट खेलाडीले नगद १ लाख, उत्कृष्ट गोलकिपर र सर्वाधिक गोलकर्तालाई समान ५० हजार तथा उत्कृष्ट उदीयमान खेलाडीलाई पनि ५० हजार रुपैयाँ प्रदान गरिने आयोजकले जनाएको छ ।
हरेक खेलको विजेता टिमलाई २५ हजार र हरेक खेलको प्लेयर अफ दि म्याचलाई १५ हजार दिइनेछ ।
यसअघि केपी ओली कपको दुवै संस्करणको उपाधि मच्छिन्द्र एफसीले जितेको थियो ।
