काठमाडौँ । ताप्लेजुङको पाथिभरामा केबलकार निर्माणको विरोधका क्रममा प्रहरीको गोलीबाट घाइते भएकामध्ये ३ जनालाई थप उपचारका लागि काठमाडौं ल्याइएको छ ।
केबलकार निर्माणको विरोधमा उत्रिएका प्रदर्शनकारी र एपीएफबीच शनिबार दिउँसो झडप भएको थियो ।
प्रहरीको गोली लागेर यामबहादुर लिम्बू, सगुन लावती, धर्मेन पालुङ्वा र मंगल लावती घाइते भएका थिए । घाइतेमध्ये तेह्रथुमका यामबहादुर, पाँचथर मिक्लाजुङ गाउँपालिका सगुन र धर्मेनलाई काठमाडौं ल्याइएको हो ।
घाइतेमध्ये एक जना भने विराटनगरमा उपचारपछि डिस्चार्ज भएका छन् । आन्दोलनको क्रममा पक्राउ परेका लक्ष्मण लिम्बू र चन्द्रसागर लिम्बू ताप्लेजुङ प्रहरीको हिरासतमा छन् ।
शनिबार बेलुका करिब ६ बजे पाथीभरा क्षेत्रको बलुडाडाँमा प्रहरी पुगेपछि आन्दोलनकारीले माथिबाट ढुंगामुढा गरेका थिए । त्यसपछि प्रहरीले गोली चलाएको थियो ।
