काठमाडौँ । जिल्ला अदालत खोटाङले कृषि विज्ञ मदन राईलाई दोषी ठहर गरेको छ ।
जिल्ला अदालत खोटाङका न्यायाधीश नारायणप्रसाद दाहालले राईलाई माघ १० गते बाल यौन दुरूपयोगमा दोषी ठहर गरेको हो ।
‘शुभद्रा मदन फाउन्डेसन’ सञ्चालन गर्दै आएका राईले आफ्नो फाउन्डेसनमा लामो समयसम्म बालबालिकामाथि यौन दुर्व्यवहार गरेको यसअघि विभिन्न सञ्चारमाध्यममा खबर आएको थियो ।
यौन दुरूपयोगमा दोषी ठहर भएका राईलाई इजलासले माघ २५ गते सजाय निर्धारण गर्नेछ ।
२०८० जेठ २१ गते सरकारी वकिलको कार्यालय खोटाङले जिल्ला अदालतमा मुद्दा दर्ता गरेको थियो ।
उनीविरूद्ध बालबालिका ऐनको दफा ६६ को उपदफा ३ बमोजिम विभिन्न कसुर गरेको भन्दै सजायको मागदाबी गरेको थियो ।
