काठमाडौँ । राष्ट्रिय स्वतन्त्र पार्टी (रास्वपा)ले भारतको नयाँ दिल्लीमा सम्पन्न खो खो विश्वकपमा उपविजेता बनेका नेपाली पुरुष र महिला दुवै टोलीलाई बधाई दिएको छ ।
रास्वपाले केन्द्रिय कार्यालयमा आयोजित एक समारोहका बीच टोलिलाई बधाई तथा शुभकामना दिएको हो ।
यो सफलता टोलिको अथक मिहिनेत, प्रतिबद्धता, र नेपालप्रतिको अपार माया तथा समर्पणको परिणाम रहेको भन्दै यस उपलब्धिले नेपाललाई विश्वमञ्चमा गर्व गर्नलायक स्थान दिलाएकोमा गौरवान्वित भएको रास्वपाले जनाएको छ ।
भविष्यका दिनहरूमा अझ उत्कृष्ट प्रदर्शन गर्दै राष्ट्रिय तथा अन्तर्राष्ट्रिय स्तरमा नयाँ उचाइ चुम्ने हौसला प्राप्त होस् भन्ने शुभकामना पनि रास्पपाले टोलिलाई दिएको छ ।
