एजेन्सी । अमेरिकाका नवनिर्वाचित राष्ट्रपति डोनाल्ड ट्रम्पले आइतबार राति वासिङ्टनमा आफ्नो विजयी भाषण दिएका छन् ।
सपथग्रहणअघि दिएको यो भाषणमा ट्रम्पले विश्वमा तेस्रो विश्वयुद्ध हुनबाट रोक्ने बताए । ट्रम्पले भने– हामी तेस्रो विश्वयुद्धको धेरै नजिक छौं । यो ट्रम्पको प्रभाव हो कि चुनाव जितेको ३ महिनामै गाजामा युद्धविराम भएको छ ।’
ट्रम्पले युक्रेनमा जारी युद्ध र मध्यपूर्वका देशहरूमा फैलिएको अराजकता रोक्ने कुरा पनि गरेका छन् ।
ट्रम्पका अनुसार उनको सोमबारको सपथले अमेरिकी पतनको चार वर्षको अन्त्य गर्नेछ । ट्रम्पले आफ्नो अर्को कार्यकालमा ऐतिहासिक गतिमा काम गर्ने कुरा गरेका छन् । यो मेक्सिको सीमा सिल गरेर सुरु हुनेछ । ट्रम्पले भने ।
डोनाल्ड ट्रम्पले चिनियाँ एप टिकटकलाई प्रतिबन्ध नगर्ने दोहोर्याएका छन् । उनले सपथ लिएपछि यसका लागि कार्यकारी आदेश जारी गर्ने बताए । सम्बोधनका क्रममा ट्रम्पले टिकटक आजबाट फिर्ता भएको पनि बताए ।
तस्बिरः एएफपी
