काठमाडौँ । स्पेनी फुटबल लिग ला लिगा अन्तर्गत बार्सिलोनाले बराबरी खेलेको छ ।
गएराति भएको खेलमा बार्सिलनोनाले गेटाफेसँग १–१ गोलको बराबरी खेल्दै अंक बाँडेको हो । खेलको नवौं मिनेटमा जुलेस कोन्डेले गोल गर्दै बार्सिलोनालाई सुरुवाती अग्रता दिलाएका थिए ।
३४ औं मिनेटमा माउरो अरम्बरीले गोल फर्काउँदै घरेलु टोलिलाई १–१ को बराबरीमा ल्याए । त्यसपछि खेलमा थप गोल हुन सकेन र दुबै टोलीले अंक बाँडे ।
यो नतिजापछि बार्सिलोना २० खेलबाट ३९ अंकका साथ तालिकाको तेस्रो स्थानमा छ । गेटाफे २० अंकका साथ १६ औं स्थानमा छ ।
