काठमाडौँ । आइसीसी यू–१९ टी–२० महिला विश्वकप क्रिकेट प्रतियोगिताअन्तर्गत बङ्गलादेशविरूद्धको खेलमा नेपालले टस हारेर पहिले ब्याटिङमा उत्रिएको छ ।
मलेसियामा आजदेखि सुरु भएको प्रतियोगितमा बङ्गदलादेशकी कप्तान सुमैया अक्तरले टस जितेर पहिला बलिङ गर्ने निर्णय लिइन् ।
यो समाचार लेख्दासम्म नेपालले ११.५ ओभरमा ४ विकेट गुमाएर ३० रन जोडेको छ । टोलीकी सोनी पाख्रिन ७ बलमा खाता नखोली आउट भइन् ।
नेपालकी कप्तान पूजा महतो १८ बलमा २ रन बनाएर आउट हुँदा ओपनर सावित्री धामी ६ बलमा १ रन बनाएर आउट भइन् । यस्तै, किरनकुमारी कुँवरले १ रन जोड्दै आउट भइन् ।
विश्वकपमा पहिलो पटक सहभागिताको मौका पाएको नेपाली युवा टोलीमा कप्तान पूजा महतासँगै सोनी पाख्रिन, किरनकुमारी कुँवर, कृष्मा गुरुङ, साना प्रविन, स्नेहा महरा, सावित्रा धामी, तृसना विक, रिया शर्मा, अलिशाकुमारी यादव, कुसुम गोदार, सिमाना केसी, ज्योत्सिका मरासिनी, रचना चौधरी र अनु कडायत छन् ।
