काठमाडौँ । कास्की जिल्ला अदालतले डा. निकोलस भुसाललाई धरौटीमा छाड्न आदेश दिएको छ ।
न्यायाधीश शंकरबहादुर राईको इजलासले राष्ट्रिय स्वतन्त्र पार्टी (रास्वपा)का सभापति रवि लामिछाने प्रहरी हिरासतमा रहेका बेलाको तस्बिर खिचेका डा. भुसाललाई ५० हजार रुपैयाँ धरौटीमा छाड्न आदेश गरेको हो ।
सहकारी ठगी प्रकरणमा कास्की प्रहरीको हिरासतमा रहेका रविको हिरासत तस्बिर भाइरल भएपछि रास्वपाका नेता कार्यकर्ता प्रहरीमाथि खनिएका थिए । त्यसपछि निकोलसले त्यो तस्बिर आफूले खिचेको बयान दिएका थिए ।
लगत्तै उनी पुस ७ गते पहिलो पटक पक्राउ परेका थिए । अदालतले उनलाई बाहिर राखेर अनुसन्धान गर्न आदेश दिएको थियो ।
