काठमाडौँ । वरिष्ठ अधिवक्ता दिनेश त्रिपाठीले जिल्ला अदालत परिसरभित्र आफूमाथि हातपात गर्नेविरूद्ध जाहेरी दिएका छन् ।
आफूमाथि ज्यान मार्ने उद्योग तथा आपराधिक उपद्रव भएको भन्दै उनले प्रहरी वृत्त सिंहदरवारमा जाहेरी दिएका हुन् ।
बुधबार स्वर्णलक्ष्मी बहुउद्देश्यीय सहकारी संस्था ठगीमा रास्वपा सभापति रवि लामिछानेविरुद्ध जाहेरी पक्षमा तर्फबाट बहस गरेर फर्किने क्रममा अधिवक्ता त्रिपाठीमाथि अदालत परिसरमै हातपात भएको थियो । उनीमाथि हातपात गरेको अभियोगमा प्रहरीले ललितकुमार केसीलाई नियन्त्रणमा लिएको छ ।
त्रिपाठीले सिसिटिभीमा हेरेर केसीलगायत आफूमाथि कुटपिट गर्ने व्यक्तिलाई कारवाहीको माग गर्दै जाहेरी दिएका छन् ।
