काठमाडौं । सरकारले अध्यादेशमार्फत् शासन चलाउन खोजेको र संसद् अधिवेशन बोलाउन ढिलाइ गरेको भन्दै विपक्षी दलहरु मोर्चाबन्दीमा लागेका छन् । प्रमुख प्रतिपक्षी दल नेकपा माओवादी केन्द्रको नेतृत्वमा विपक्षी दलले मोर्चाबन्दी गरेका हुन् ।
विपक्षी दलहरुको बैठक आज बस्दै छ । माओवादी केन्द्रको कार्यालय पेरिसडाँडामा ९ बजे बस्ने बैठकमा रास्वपा, नेकपा एकीकृत समाजवादी, राप्रपालगायतका दलका नेता सहभागी हुने छन् ।
सरकारले संसद् बैठक आह्वान नगरेको र अध्यादेशबाट मात्र शासन चलाउन खोजेको भन्दै विपक्षी दलहरुले संयुक्त रुपमा विरोध जनाउन लागेका हुन् । उनीहरुले तत्काल संसद् अधिवेशन आह्वान गर्न माग गर्ने छन् ।
विपक्षी दलहरुले सरकारको छ महिने उपलब्धिको समेत समीक्षा गर्ने छन् ।
