एजेन्सी । प्रियंका चोपडा स्टारर मेरी कोम, सास बहू र फ्लेमिङ्गोजस्ता धेरै फिल्ममा काम गरिसकेका अभिनेता राघव तिवारीमाथि हालै घातक हमला भएको छ ।
सामान्य झगडापछि उनीमाथि हानाहानमा रडले प्रहार गरी टाउकोमा चोट लागेको थियो । यस मामिलामा अभिनेताले उजुरी दिएका छन्, यद्यपि आक्रमणकारीलाई हालसम्म कुनै कारबाही गरिएको छैन । अभिनेताका अनुसार आक्रमणकारी एक्सन निर्देशक परवेज शेखका छोरा हुन् ।
आक्रमणको बारेमा कुरा गर्दै अभिनेता तिवारीले भने, ‘डिसेम्बर ३० गते म साथीहरूसँग डी–मार्टबाट सामान किनेर घर फर्कदै थिएँ । यसैबीच म गाडीबाट ओर्लिएर बाटो काट्न थालेँ । एकजना स्कुटर चालक त्यहाँबाट गुज्रिरहेको थियो, म अकस्मात उसको अगाडि आइपुगेँ । मैले आफ्नो गल्ती स्विकारेँ र माफी मागेँ । भनेँ– मैले देखिनँ, गल्ती गरेँ । उसले देखेन, किन नदेखेको भनेर गाली गर्न थाल्यो । त्यसैले मैले उसलाई भनेँ माफ गर्नुहोस्, अब तपाईं जानुहोस्, हामी झगडा नगरौं ।’
‘मैले लड्दिन भन्ने बित्तिकै उसले चक्कु निकालेर प्रयोग गर्यो । म एक अभिनेता हुँ, मलाई चक्कु प्रयोग गर्ने तरिका थाहा छ, उसले प्रयोग गर्ने तरिका हेरेर मैले बुझें कि उ पेशेवर चक्कुबाज हो कि गुण्डा, जसको काम मात्र चक्कु चलाउनु र लड्नु हो ।’
राघव तिवारीले थप भने, ‘मैले फेरि लाठीले प्रहार गरेपछि भाँचियो । लठ्ठी फुट्नेबित्तिकै उसले मेरो टाउकोमा र त्यसपछि टाउकोको पछाडि प्रहार गर्यो । मेरो टाउकोमा गम्भीर चोट लाग्यो, अगाडि ५ वटा र पछाडि ६ वटा टाँका लगाइयो । धेरै रगत बगेको थियो । म तल खसे र त्यसपछि मेरो वरपरका मानिसहरू र मेरो साथी न्यान्सीले मलाई अस्पताल लगे ।’
