काठमाडौं । मलेसियामा जारी यु १९ महिला एसिया कपमा वर्षा रोकिएपछि नेपाल र बंगलादेशको खेल सुरु भएको छ ।
नेपाली समय अनुसार बिहान ११ः१५ मा हुनु पर्ने टस वर्षाका कारण हुन सकेको थिएन । झन्डै २ घण्टापछि सुरु भएपछि खेल ११ ओभरमा घटाईएको छ ।
मलेसियाको बायोमास ओभल क्रिकेट मैदानमा बंगलादेशविरुध टस हारेर अहिले नेपालले ब्याटिङ गरिरहेको छ ।
नेपाललाई फाइनल पुग्न आजको खेल जित्नैपर्ने दबाब छ । भारत ७ अंकसहित फाइनल पुगिसकेको छ । नेपाल र बंगलादेशको समान ४/४ अंक छ । आजको खेलमा अंक बाडेमा नेट रनरेटका आधारमा बंगलादेश फाइनल पुग्नेछ ।
