शारजाहः इन्डियन प्रिमियर लिग अन्तर्गत शुक्रबारको खेलमा दिल्ली क्यापिटल्सले राजस्थान रोयल्सलाई ४६ रनले पराजित गरेको छ ।
टस जितेर पहिले बलिङ रोजेको राजस्थानले निकै कसिलो बलिङ र फिल्डिङ गरे पनि दिल्ली क्यापिटल्सले ८ विकेटको क्षतिमा १८४ रन बनाएको थियो । दिल्लीका लागि सबैभन्दा बढी रन शिमरन हेटमायरले २४ बलमा ४५ रन बनाएका थिए । उनले पाँच छक्का र १ चौका प्रहार गरेका थिए ।
अन्य खेलाडीहरुमा पृथ्वी शले १९, शिखर धवनले ५, श्रेयस ऐयरले २२, रिषभ पन्तले ५, मार्कस एस्टोनिसले ३९, हर्शल पटेलले १६, अक्षर पटेलले १७ रन बनाएका थिए ।
१८५ रनको चुनौतीपूर्ण लक्ष्य पाएको राजस्थानले निर्धारित १९.४ ओभरमा सबै विकेट गुमाउँदै १३८ रन बनाउन सक्यो ।
राजस्थानका लागि यशस्वी जैसवाल (३४), स्टिभन स्मिथ (२४), राहुल तेबतीया (३८) ले मात्र केही उल्लेखनीय रन बनाएका थिए, तर यो जितका लागि पर्याप्त भएन ।
दिल्लीका लागि कागिसो राबाडाले ३ विकेट लिए ।
अंक तालिका
दिल्ली क्यापिटल्स – १०
मुम्बई इन्डियन्स – ८
सनराइजर्स हैदराबाद – ६
कोलकाता नाइट राइडर्स – ६
रोयल च्यालेन्जर्स बैंगलोर – ६
चेन्नाई सुपर किंग्स – ४
राजस्थान रोयल्स – ४
किंग्स इलेभेन पञ्जाब – २
शनिबारका खेल
१. किंग्स इलेभेन पञ्जाब विरुद्ध कोलकाता नाइट राइडर्स
२. चेन्नाई सुपर किंग्स विरुद्ध रोयल च्यालेन्जर्स बैंगलोर
