काठमाडौ । २८ दिन देखी अनसनमा रहनु भएका डा.गोबिन्द केसीले गएराती सरकारसँग ८ बुँदे सहमति भएपछि आइतवार बिहान अनसन तोड्नु भएको छ ।
चिकित्सा क्षेत्रको सेवा र शिक्षाको सुधारको माग राख्दै आउनु भएका डा. केसीले आफ्नो १९ औँ अनसनको २८ दिनमा अनसन तोड्नु भएको हो ।
शनिवार मध्यरातमा डा केसीको माग पुरा गर्न सरकार सहमत भएको थियो।
शिक्षण अस्पतालमा अनसनमा बस्नु भएका डा .केसीले शिक्षण अस्पतालका कर्मचारी विकास नेपालीको हातबाट जुस खाएर अनसन तोड्नु भएको छ।
