काभ्रे । काभ्रेको धुलिखेल अस्पतालमा उपचाररत एक जना कोरोना संक्रमितको मृत्यु भएको छ । कोरोना संक्रमण पुष्टि भएका धुलिखेल–११ डाँडागाउँका ५२ वर्षीय पुरुषको आइतबार बिहान मृत्यु भएको हो ।
वडाअध्यक्ष विष्णु धितालका अनुसार उनलाई ७ दिनदेखि भेन्टिलेटर राखेर उपचार भइरहेपनि ५ दिनअघि उनमा कोरोना संक्रमण पुष्टि भएको थियो ।
स्वास्थ्य कार्यलय काभ्रेका वरिष्ठ स्वास्थ्य प्रशासक डा. नरेन्द्रकुमार झाका अनुुसार यसअघि जिल्लामा १३ जनाको मृत्यु भइसकेका छन् । ४ पुरुष र ४ महिला काभ्रेका हुन् भने अन्य जिल्लाका ३ पुरुष र २ महिलाको उपचारको क्रममा धुलिखेल अस्पतालमा मृत्यु भएको थियो ।
