काठमाडौं । आईएमई लाइफ इन्स्योरेन्स कम्पनीले आर्थिक वर्ष २०८०/८१ मा प्रियमर क्लब विजेता एजेन्सी म्यानेजरहरुका लागि टाइम्स थ्री बिजनेस समिट सम्पन्न गरेको छ ।
चितवनको जगतपुरथित टाइगरल्यान्ड सफारी रिसोर्टमा सम्पन्न कार्यक्रममा ६० जनाभन्दा बढी उत्कृष्ट व्यवसाय गर्ने एजेन्सी म्यानजरहरुको सहभागिता थियो ।
हरेक वर्ष आयोजना हुने यो कार्यक्रम कम्पनीले आफ्ना एजेन्सी लिडरहरुलाई सहभागी गराएर गर्ने मध्येको दोस्रो ठूलो बिजनेस समिति हो । कार्यक्रमको उद्घाटन कम्पनीका नवनियुक्त प्रमुख कार्यकारी अधिकृत पवनकुमार खड्काले गर्नुभएको थियो । नायव प्रमुख कार्यकारी अधिकृतहरु दिनेश अमात्य र खिलेन्द्र पौडेलले कार्यक्रमको पृष्ठभूमि तथा उद्देश्यका विषयमा मन्तव्य राख्नुभएको थियो ।
त्यसैगरी बागमती प्रदेश प्रमुख चन्द्रप्रसाद भट्टराईले सहभागीहरुलाई स्वागत गर्नुभएको थियो । भने चिफ स्ट्राटेजी अफिसर आई.आर. सुवेदीले कसरी एजेन्सी म्यानेजरहरुले आफ्नो आम्दानीलाई तीन गुणाले वृद्धि गर्न सक्ने छन् भनी आइडिया शेयर गर्नुभएको थियो ।
कार्यक्रमको व्यवस्थापन समन्वयात्मक रुपमा एजेन्सी विभाग, तालिम विभाग र ब्राण्डिङबाट भएको थियो ।
उपस्थिति सहभागीहरुलाई मानसिक रुपमा स्वस्थ र स्फूर्त हुनुपर्दछ भन्दै सामाजिक व्यक्तित्व विजयराज सिग्देलले २ घण्टाको तनाव व्यवस्थापन तथा स्वव्यवस्थापन सम्बन्धमा आध्यात्मिक सहभागितामूलक प्रस्तुति दिनुभएको थियो ।
सहभागीहरुको उत्साहपूर्ण सहभागिता रहेको कार्यक्रममा सबैलाई प्रमाणपत्रसहित सम्मान गरिएको थियो । सम्मानित भएपछि सबै सहभागीहरुले आगामी वर्ष कार्यक्रममा अझ उत्कृष्ट व्यवसाय गरी कम्पनीलाई उत्कृष्ट बनाउने सामूहिक प्रतिबद्धता गरेका छन् ।
