काठमाडौं । नेपाल विद्युत प्राधिकरणले विद्युत महशुल नतिर्ने उद्योगहरुबाट रकम उठाउन अन्य निकायको साथ खोजेको छ ।
प्राधिकरणले महशुल नतिर्ने उद्योगहरुको बैंक खाता रोक्का गर्न नेपाल राष्ट्र बैंकलाई पत्राचार गरेको छ । यसै गरी प्राधिकरणले कम्पनी रजिष्ट्रार र धितोपत्रबोर्डलाई पत्र पठाएको छ ।
पत्रमा उद्योगका लगानीकर्ता अन्य कम्पनीको सञ्चालक भए सेयर जारी गर्न, हक हस्तान्तरण गर्न र धितो बन्धक दिन नपाउने गरी रोक्का राखी बक्यौता महसुल असुलका लागि सहयोग गरिदिन प्राधिरकणले आग्रह गरेको छ ।
प्राधिकरण कार्यकारी निर्देशक कुलमान घिसिङले विद्युत महशुल नतिर्ने उद्योगहरु रकम उठाउन नया पहलकदमी लिनु भएको हो ।
३४ वटा उद्योग डेडिकेटेड र ट्रंक लाइन प्रयोग गरी पनि महसुल तिरेका छैनन । विद्युत प्राधिकरण सञ्चालक समितिको बैठकले बक्यौता तिर्न बाँकी रहेका उद्योगहरुको तत्काल लाइन नकाट्ने निर्णय गरेसँगै कुलमानले वैकल्पिक उपाय अपनाएका हुन् ।
