काठमाडौँ । सिद्धार्थ बैंक नेपाल प्रिमियर लिग (एनपीएल)को उद्घाटन खेलको टिकट ‘सोल्ड आउट’ भएको छ ।
आउँदो शनिबारदेखि सुरु हुन गइरहेको एनपीएलको उद्घाटन खेलका लागि सबै टिकट ‘सोल्ड आउट’ भएको हो ।
नेपाल क्रिकेट संघ (क्यान)का अनुसार मैदानमा भीआइपी र सामान्यतर्फ गरी करिब १२ हजार दर्शक क्षमता रहेको छ ।
एनपीएलको उद्घाटन खेलमा विराटनगर किंग्स र जनकपुर बोल्ट्स भिड्दैछन् । विराटनगरको मार्की खेलाडी सन्दीप लामिछाने र जनकपुरका मार्की खेलाडी आसिफ शेख छन् । उद्घाटन खेल शनिबार १२ः१५ बजे सुरु हुनेछ ।
