काठमाडौँ । राहदानी विभागको कम्प्युटरमा भाइरस पसेपछि राहदानी सेवा ठप्प भएको छ ।
राहदानी आवेदन प्रणालीसँग सम्बन्धित केही कम्प्युटरहरूमा भाइरस प्रवेश गरेकाले सतर्कता अपनाउनु पर्ने भएकोले जिल्लारईलाका प्रशासन कार्यालय तथा विदेशस्थित नियोगहरूको राहदानी सेवा बन्द गर्नु परेको विभागले जनाएको छ ।
समस्या समाधान गर्दै २ दिन भित्रमा नयाँ आवेदन फाराम भर्नका लागि बुकिङ खुला गरिने जानकारी दिँदै विभागले सुचना जारी गर्दै भनेको छ, ‘भाईरस देखा परेपछि सुरक्षा संवेदनशीलतालाई ध्यानमा राखी पर्याप्त सतर्कता अपनाईएको तथा आवेदकको तथ्याङ्क पूर्ण सुरक्षित रहेको बेहोरा अनुरोध गर्दै धैर्यता अपनाउनका लागि विभाग अनुरोध गर्दछ’।
यस्तै, विभागले सेवाग्राहीलाई पर्नजाने असुविधाप्रति आफूहरु संवेदनशील रहेको भन्दै यथाशीघ्र समस्या समाधानका लागि आवश्यक कार्यहरू गरिरहेको जनाएको छ ।
