काठमाडौँ: सरकारले पूर्वसभामुख दमनानाथ ढुंगानाको राष्ट्रिय सम्मानका साथ अन्त्येष्टि गर्ने निर्णय गरेको छ ।
आज बसेको मन्त्रिपरिषद्को बैठकले पूर्वसभामुख ढुंगानाको निधनप्रति दु:ख व्यक्त गर्दै शोकसन्तप्त परिवारजनप्रति सरकारले समवेदना प्रकट गरेको छ ।
बैठकले आज सार्वजनिक बिदा दिने निर्णय पनि गरेको छ । स्वदेश र विदेशस्थित सबै सरकारी कार्यालयमा आधा झन्डा झुकाउने निर्णय भएको सरकारका प्रवक्ता समेत रहेका सञ्चार तथा सूचना प्रविधिमन्त्री पृथ्वी सुब्बा गुरुङले जानाकारी दिनुभयो ।
ढुंगानाको आइतबार दिउँसो उपचारको क्रममा निधन भएको थियो ।
