काठमाडौं । ड्यानी ओल्मोले गरेको दुई गोल प्ररित खेलमा बार्सिलोनाले सहज जीत हासिल गरेको छ।
स्पेनिस ला लिगा अन्तर्गत आइतबार घरेलु टोलि बार्सिलोनाले स्पान्योललाई ३–१ गोलले पराजित गरेको हो ।
बार्सिलोनाको जितमा थप एक गोल राफिन्हाले गरे । ओल्मोले खेलको १२औँ र ३१औँ मिनेटमा गोल गरे भने राफिन्हाले २३औँ मिनेटमा गोल गरेका थिए । यता, स्पान्योलका लागि जाभी पुआडोले ६३औँ मिनेटमा गरेको गोल सान्त्वना बन्यो ।
जितसँगै १२ खेलबाट ३३ अंक जोडेको बार्सिलोना दोस्रो स्थानको रियल मड्रिड भन्दा ९ अंकले अघि छ ।
