काठमाडौँ । नेपाल बार एशोसिएशनका अध्यक्ष गोपालकृष्ण घिमिरेले संविधानका राम्रा पक्षहरुलाई सँगै लिएर हिँड्नुपर्ने बताउनुभएको छ ।
केहीले संविधान च्याप्नुपर्छ समेत भन्ने गरेको उल्लेख गर्दै उहाँले संविधानका राम्रा पक्षलाई सँगै लिएर अघि बढ्नका लागि सबै पक्षले कसम खाएर अघि बढ्नुपर्ने बताउनु बताउनु भयो । अध्यक्ष घिमिरेले संविधान परिवर्तनीय दस्तावेज भएकाले त्यसमा रहेका कमीकमजोरीलाई केलाएर परिमार्जन गर्नुपर्दछ भन्ने दृष्टिकोण आफूहरुले अघि सारेको पनि स्पष्ट पार्नुभयो ।
ठूलो द्वन्द्वका बीच वर्तमान संविधान निर्माणमा गरिएको र त्यसको नेतृत्व स्वर्गीय सुवाष नेम्वाङले गर्नुभएको उहाको भनाई थियो । सोमवार सर्वोच्च अदालत बार एशोसिएशनले प्रकाशित गरेको स्मतिमा सुवाष नेम्वाङ स्मृति ग्रन्थ लोकापर्ण कार्यक्रममा बोल्दै अध्यक्ष घिमिरेले नेम्वाङको समझदार व्यक्तित्वको जति चर्चा गरेपनि कमै हुने बताउनु भयो ।
उहाँले भन्नुभयो, ‘त्यत्रो द्वन्द्वको बीचमा पनि दुई दुई पटकको संविधान सभा निर्वाचन पश्चात आज यो संविधानको निर्माण भएको छ । त्यसेले गर्दा यो संविधानले केही गरेन, यो संविधानले केही गर्न सक्दैन, त्यसैले गर्दा यसलाई च्यात्नुपर्छ, फाल्नुपर्छ भन्ने जस्ता आवाजहरु पनि कताकता देखिन थालेका छन । त्यो बिल्कुलै गलत कुरा हो । यो संविधान २००७ सालदेखिको जे जस्तो परिस्थितिमा हामी छौं, जे जस्तो परिस्थिति हाम्रो समाजको छ । त्यसलाई कति सकिन्छ ? नजिक ल्याएर द्वन्द्वका बीचमा, विवादका विचमा यो संविधान निर्माण भएको छ । यसका राम्रा पक्षहरुलाई सँगै लिएर हिँडने कसम आज हामीले खानु पर्दछ । त्यही परिस्थितिमा हामी छौं भन्ने मलाई लाग्दछ ।
अव कसैले यो संविधानलाई होइन यसलाई फालेर नयाँ संविधानको कुरा गर्दछ भने पनि आखिर समाज त यही हो । राजनीतिक पार्टीहरु त यिनै हुन । कित सबैलाई निमिटयान्न पार्नुप¥यो । र, एक खालको कुरा गर्नु प¥यो । त्यो गर्ने परिस्थिति नेपालमा छैन । अव फेरी अर्को द्वन्द्वमा हामी जान सक्दैनौं । त्यसैले हामीले के भन्यौ भने संविधान समयानुकूल परिवर्तन हुुनु पर्दछ । संशोधन हुनुपर्छ । संविधान स्टाटिक डकुमेन्ट होइन, एउटा गतिशील डकुमेन्ट हो । यसमा रहेका, हुन नसकेका कमीकमजोरीहरुको विषयमा केलाउनु पर्दछ । र, ती केलाई सकेर संविधान ती कुराहरु मुखरित हुने गरी संशोधनमा लिएर जानुपर्छ भन्ने हामो धारणा छ । हामीले त्यो कुरालाई आफ्नो विभिन्न सभा, सम्मेलन र हाम्रा विभिन्न कार्यक्रमहरुमा भन्दै आएका छौं ।’
अध्यक्ष घिमिरेले संविधानमा देखिएको कमी हटाउनका लागि यसका प्रावधानहरु केलाएर हेर्नुपर्ने आवश्यकता पनि औंल्याउनु भयो ।
