काठमाडौं । ईंग्लिश प्रीमियर लिग फुटबलमा म्यान्चेस्टर सिटिले रोमाञ्चक जित निकालेको छ ।
गएराति भएको खेलमा सिटिले वल्भ्सलाई २-१ गोलले हराएको हो । घरेलु टोलि वल्भ्सले खेलको ७ औं मिनेटमा नै योर्गेन लार्सेनको गोलबाट सुरुवाती अग्रता लिएको थियो ।
३३ औं मिनेटमा होस्को जिभार्डिओलले गोल गर्दै सिटिलाई १-१ गोलको बराबरीमा ल्याए । त्यसपछि खेल सकिनै लाग्दा इन्जुरी समयको पनि अन्तिममा जोन स्टोन्सले गोल गर्दै सिटिलाई महत्त्वपूर्ण जित दिलाए ।
जितसंगै सिटि ८ खेलमा २० अङ्कका साथ तालिकाको दोस्रो स्थानमा छ । वल्भ्स १ अङ्कका साथ पुछारमा छ ।
