काठमाडौ । सर्बोच्च अदालतले आफुविरुद्ध परेको रिट खारेज गरेपछि नेकपा उपाध्यक्ष एबं राष्ट्रियशभा सदस्य बामदेब गौतमले आफनो विषय कुनै पद र प्रतिष्ठासँग नगाँसिएको जनाउनु भएको छ । सर्बोच्चको निर्णयबाट राजनीतिक रुपमा राहत अनुभब गर्नुभएका गौतमले आफूलाई सहयोग गर्नेहरु सबै प्रति आभार ब्यक्त गर्नुभएको छ ।
गौतमले सामाजिक संञ्जालमा लेख्नु भएको छ –राष्ट्रियसभा सदस्य पदमा मेरो मनोनयन र शपथ लगत्तै मलाई थप संवैधानिक जिम्मेवारी नदिइयोस् भनी सर्वोच्च अदालतमा केही विद्वान अधिवक्ताहरुले दायर गर्नुभएको रिट उपर जारी भएको अन्तरिम आदेश आज सोही अदालतको संवैधानिक इजलास ले खारेज गरेको छ ।
यसबीचमा मप्रति शुभेच्छा र सद्भाव प्रकट गर्नुहुने समस्त महानुभावप्रति म हार्दिक आभार प्रकट गर्दछु । मेरो पक्षमा बहस गर्नुहुने सम्पूर्ण विद्वान कानुन व्यवसायी मित्रहरु प्रति म कृतज्ञ छु ।वास्तवमा यो विषय कुनै पद र प्रतिष्ठासँग गाँसिएको थिएन ।
हामी पार्टीभित्र विधि र पद्धति स्थापित गर्ने अभियानमा सरिक भइरहेको बेला प्रत्येक विषयलाई पद र व्यक्तिगत प्रतिष्ठासँग गाँसेर विधि र पद्धतिका कुरालाई विषयान्तर गर्न केही व्यक्तिहरु क्रियाशील भए । फेरि पनि म संविधानको सर्वोच्चता तथा विधि र पद्धतिका पक्षमा दृढताका पूर्वक उभिइरहने प्रण गर्दछु ।
यसै बीच सर्बोच्च अदालतको निर्णय लाई स्वागत गर्दे लुम्बिनी प्रदेशका मुख्यमन्त्री शंकर पोखरेलले मन्त्री परिषदले गरेको राजनीतिक निर्णयमा अदालत निरपेक्ष वस्नु नै उचित हुने जनाउनु भएको छ । पोखरेलले सामाजिक संञ्जालमा लेख्नु भएको छ– ढिलै भएपनि सर्वोच्च अदालतले आफ्नो कमजोरी सच्चाएको छ ।
राजनीतिक आन्दोलनमा खेलेको विशिष्ट योगदान र हासिल गरेको अनुभव पनि विज्ञता नै हो । यस प्रश्नमा अनावश्यक विवाद सिर्जनागर्न खोजिएको थियो । वधाई छ कमरेड वामदेव गौतमलाई ।
