काठमाडौँ । पूर्वराजा ज्ञानेन्द्र शाह र भूटानका वर्तमान राजा जिग्मे केशर नामग्याल वांगचुकका बुवा निबर्तमान राजा जिग्मे सिग्मे वांनचुक बिच डेचेन छोलिंग राजप्रसादमा भेटवार्ता भएको छ । बिहीबार भुटान प्रस्थान गर्नुभएको पूर्वराजा शाहले आज वाङचुकसँग शिष्टाचार भेट गर्नुभएको हो ।
पूर्वराजा शाह ५ सदस्यीय टोलीसहित भुटानको भ्रमणमा निस्कनुभएको थियो ।
पूर्वराजासँग पूर्वअधिकारकुमारी (छोरी) प्रेरणा र पूर्वशाहज्यादी (भतिजी) शिताष्मा पनि हुनुहुन्छ । यस्तै, पारिवारिक सदस्य राजु सिंह पनि भ्रमण दलमा हुनुहुन्छ ।
भुटानको राष्ट्रिय ध्वजावाहक ड्रुक एयरलाइन्सबाट जानुभएको पूर्वराजालाई स्वागत गर्न बिमानस्थलमा रातो कार्पेट ओछ्याइएको थियो । भुटानकी राजकुमारी बिमानस्थलमा रिसिभ गर्न पुग्नुभएको थियो ।
स्रोतका अनुसार पूर्वयुवराज्ञी हिमानी पनि जाने तयारी थियो, तर अस्वस्थ भएर उहाँ जान सक्नुभएन । उहाँ खुट्टाको लिगामेन्टमा समस्या भएर बैड रेस्टमा हुनुहुन्छ ।
