काठमाडौँ । नेपाल प्रिमियर लिग (एनपिएल)को टोली सुदूरपश्चिमले आफ्नो नाम र लोगो सार्वजनिक गरेको छ ।
सुदूरपश्चिमले सोमवार सामाजिक सन्जालमार्फत नाम र लोगो सार्वजनिक गरेको हो । जसअनुसार टिमको नयाँ नाम सुदूरपश्चिम रोयल्स रहेको छ ।
सुदूरपश्चिमको मार्की खेलाडीका रुपमा राष्ट्रिय क्रिकेट टोलीका अलराउन्डर दीपेन्द्र सिंह ऐरी रहेका छन् ।
सुदूरपश्चिम रोयल्सको स्वामित्व एम्पायर स्पोट्स म्याजमेन्ट प्रालिसँग रहेको छ ।
नेपाल क्रिकेट संघ (क्यान)को आयोजनामा ८ टोली सहभागिता रहने प्रतियोगिता मंसिर १६ गतेदेखि पुस ६ गतेसम्म हुनेछ । ८ टोलीले मार्की खेलाडीको टुंगो लगाइसकेका छन् ।
