काठमाडौं । उदयपुरको ताप्ली गाउँपालिकाको कार्यालय रूपाटारमा आइतबार (आज) सवा एक बजे बम विस्फोट भएको छ । बम विस्फोट हुँदा उपप्रमुख, प्रमुख प्रशासकिय अधिकृत र लेखा अधिकृतको कार्यकक्षको झ्यालढोका, कम्प्युटर, प्रिन्टर, टेबल, दराज, सोफालगायतका सामानमा पूर्णरूपमा क्षति पुगेको गाउँपालिकाले जनाएको छ ।
अर्को बम कार्यालयको गेटमा फेला परेको हुनाले डिस्पोजल गर्न १८ नम्बर बाहिनी अड्डा भुल्केलाई खबर गरिएको छ । अहिले घटनास्थल प्रहरीले नियन्त्रणमा लिएको छ । गेटमा राखिएको बम निस्क्रिय गराएपछि घटनाको थप विवरण आउने जिल्ला प्रहरी कार्यलाय उदयपुरले जनाएको छ । हालसम्म बम विस्फोटको जिम्मा कसैले नलिएको गाउँपालिकाले जानकारी दिएको छ । गाउँपालिकाको कार्यालयको नागरिक सहायक कक्षमा उक्त विस्फोट भएको हो ।
