काठमाडौँ । नेपाली बजारमा सुनको मूल्यले आज फेरि नयाँ रेकर्ड बनाएको छ ।
हिजो बुधबार मात्रै नयाँ किर्तिमानि राखेको सुनको मूल्य तोलामा एक सय रुपैयाँले बढ्दै बिहिबार पुन: नयाँ रेकर्ड बनाएको हो ।
बिहीबार सुन प्रतितोला १ लाख ५३ हजार २०० रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । बुधबार सुन तोलामा १ लाख ५३ हजार १०० रुपैयाँमा कारोबार भएको थियो ।
यस्तै, बिहिबार चाँदीको मूल्य भने घटेको छ । आज चाँदी तोलामा २५ रुपैयाँले घटेर १ हजार ८३० रुपैयाँमा कारोबार भईरहेको महासंघले जनाएको छ ।
