काठमाडौं। राष्ट्रिय प्रजातन्त्र पार्टीले केन्द्रीय कार्यसम्पादन समितिको बैठक गर्ने निर्णय गरेको छ। शनिबार बसेको अध्यक्षत्रयको बैठकले पुस ४ मा पार्टीको केन्द्रीय कार्यसम्पादन समितिको बैठक गर्ने निर्णय गरेको हो ।
राप्रपाका अध्यक्ष कमल थापाले आज सामाजिक सञ्जालमार्फत् आगामी पुस ४ मा पार्टीको केन्द्रीय कार्यसम्पादन समितिको बैठक काठमाडौंमा हुने जानकारी दिएका हुन्।
थापाका अनुसार उक्त बैठकमा देशको समसामयिक राजनीतिक परिस्थिति, पार्टी संगठनको सुदृढीकरण, महाधिवेशनको तयारी र भावि संघर्षको कार्यक्रमलगायतका विषयमा छलफल हुनेछ।
