बुर्किना फासोका राष्ट्रपति रोच मार्क क्रिस्चियन काबोरलाई हिरासतमा लिइएको छ । राजधानी ओउगाडोउमा आइतबार राति उनको निवास वरिपरि भारी गोलीबारीपछि उनलाई हिरासतमा लिइएको स्रोतलाई उद्धृत गर्दै फ्रान्स २४ ले सोमबार बताएको छ ।
सिपाहीहरूले देशको सेनाका शीर्ष अधिकारीहरूलाई बर्खास्त गर्न र इस्लामवादी विद्रोहीहरू विरुद्धको लडाइँका लागि थप स्रोतहरू माग गर्न धेरै ब्यारेकहरूमा विद्रोह गरेसँगै काबोरेको घर नजिकै आइतबार गोली चलेको सुनिएको थियो ।
स्थानीय बासिन्दाहरूले राजधानी ओआगाडोउमा राष्ट्रपतिको घरमाथि हेलिकप्टर देखेको बताए ।
त्यसपछि आइतबार सेनाका कयौँ स्थानमा गोलाबारी भएको थियो । यसबाट सैन्य अधिग्रहणको सम्भावना रहेको पश्चिम अफ्रिकी अस्थिर यो मुलुकमा फेरि अर्को विद्रोहको डर उत्पन्न भएको छ ।
