![](https://newspolar.com/wp-content/uploads/2024/07/AP24197057259056-scaled.jpg)
काठमाडौं । कोपा अमेरिका २०२४ फुटबल प्रतियोगिताको फाइनल खेल जारी छ ।
मायमीमा भइरहेको फाइनल खेलमा उपाधिका लागि अर्जेन्टिना र कोलम्बियाले प्रतिस्पर्धा गरिरहेका छन् ।
पहिलो हाफ सकिँदा दुबै टोलिले कुनै गोल गर्न सकेका छैनन् ।
खेलको पहिलो मिनेटमा नै अर्जेन्टिनाले गोल गर्ने मुभ बनायो । तर युलिएन अल्भारेजले बललाई सहि दिशा दिन सकेनन् ।
खेलको ५ औं मिनेटमा कोलम्बियाका लुइज डियाजले प्रहार गरेको बललाई अर्जेन्टिनाका गोलकिपर इमिलियानो मार्टिनेजले सजिलै बचाउ गरे ।
१३ औं मिनेटमा कोलम्बियाका कप्तान हामेस रोड्रिग्वेजले कर्नरबाट प्रहार गरेको बललाई कोलम्बियाका खेलाडीले गोल गर्ने प्रयास गरेका थिए, तर गोलकिपर मार्टिनेजले सजिलै नियन्त्रणमा लिए ।
२० औं मिनेटमा अर्जेन्टिनाका कप्तान लियोनल मेसीले प्रहार गरेको बल आफ्नै टोलिका अन्भारेजलाई लागेर बाहिर गयो ।
४४ औं मिनेटमा लियोनल मेसीले फ्रीकिकबाट प्रहार गरेको बललाई टालियोफिगोले हेडरमार्फत गोल गर्ने प्रयास गरेपनि उनको प्रहार पोस्टमाथीबाट बाहिरीयो ।