बुर्किना फासोको सेनाले राष्ट्रपति रोच मार्क क्रिश्चियन काबोरेलाई अपदस्थ गरेको जनाएको छ । सेनाले देशको संविधान निलम्बन गरेको, सरकार भङ्ग गरेको छ र राष्ट्रिय सीमाहरू बन्द गरेको पनि बताएको छ।
आइतबार राति सेनाको क्याम्पमा बन्दुकबारी सुरु भएपछि घण्टौँको भ्रमपछि यो घोषणा गरिएको हो। काबोरे आइतबारदेखि देखिएका छैनन् र उनको ठेगाना अज्ञात छ।
पहिले नसुनिएको पुनर्स्थापनाका लागि देशभक्ति आन्दोलन (एमपीएसआर) का नामबाट सेनाले सैन्य अधिग्रहण गरेको विज्ञप्ति निकालेको थियो ।
“सेनाका सबै खण्डहरू समावेश गर्ने एमपीएसआरले आज राष्ट्रपति काबोरेको पद समाप्त गर्ने निर्णय गरेको छ”, विज्ञप्तिमा उल्लेख छ ।
विज्ञप्तिमा सुरक्षा स्थितिको बिग्रँदै गएको, राष्ट्रलाई एकताबद्ध गर्न र सामना गर्ने चुनौतीहरूको प्रभावकारीरूपमा जवाफ दिन काबोरे असक्षम रहेको बताइएको छ ।
यसअघि सोमबार अफ्रिकी युनियन र पश्चिम अफ्रिकी ब्लक इकोवास दुवैले सेनाले कूको प्रयास गरेको भन्दै निन्दा गरेका थिए।
अमेरिका र युरोपेली युनियनले पनि काबोरेको ‘तत्काल रिहाई’ का लागि आह्वान गरेका छन्।
