• ७ श्रावण २०८१, सोमबार
  •      Mon Jul 22 2024
  •   Unicode
Logo
Latest
★   काठमाडौंमा भारी वर्षा, तटीय क्षेत्रमा सतर्कता अपनाउन आह्वान ★   अवरुद्ध बेनी–दरबाङ सडक दश दिनपछि खुल्यो ★   मधेश र कर्णालीबाहेकका प्रदेशमा आज भारी वर्षाको सम्भावना ★   चौतर्फी दबाबपछि अमेरिकी राष्ट्रपति दौडबाट पछि हटे बाइडेन, कमला ह्यारिसलाई समर्थन ★   एसिसी महिला एसिया कप: पाकिस्तानसँग नेपाल नौ विकेटले पराजित ★   काठमाडौंमा चिनियाँ जनमुक्ति सेनाको ९७ औं स्थापना दिवस ★   गुरूप्रति श्रद्धाभाव प्रकट गर्दै मनाइयो गुरू पूर्णिमा ★   ‘नयाँ सरकारले जनताको आशालाई विश्वासमा परिणत गर्नसक्छ’ ★   मैत्रीपूर्ण भलिबलमा रसियासँग नेपाल सोझो सेटमा पराजित ★   प्रहरी वृत्त नयाँबानेश्वरलाई एभरेस्ट अस्पतालबाट प्राथमिक उपचारको सामग्री

अमेरिकामाथि एकतर्फी जित निकाल्दै इंग्ल्यान्ड टी–२० विश्वकपको सेमिफाइनलमा



काठमाडौँ । साविक विजेता इंग्ल्यान्ड टी–२० विश्वकपको सेमिफाइनलमा प्रवेश गरेको छ । इंग्लिस टोली एकतर्फी खेलमा अमेरिकालाई १० विकेटले पराजित गर्दै शीर्ष ४ मा पुगेको हो ।

सेमिफाइनलमा स्थान बनाउने इंग्ल्यान्ड पहिलो टोली बनेको छ । ब्रिजटाउनमा इंग्ल्यान्डले सेमिफाइनलमा पुग्न १८.४ ओभरमा ११६ रनको लक्ष्य पछ्याउनुपर्ने भएपनि डिफेन्डिङ च्याम्पियनले कुनै विकेट नगुमाई ९.४ ओभरमा नै जित हात पारेको थियो ।

इंग्ल्यान्डका फास्ट बलर क्रिस जोर्डनले तीन बलमा तीन विकेट लिएर ह्याट्रिक पूरा गरे । जोर्डन टी–२० ढाँचामा ह्याट्रिक पूरा गर्ने पहिलो इङ्ल्यान्ड बलर बनेका छन् । उनीअघि इङ्ल्यान्डका कुनै पनि खेलाडीले यो उपलब्धि हासिल गर्न सकेका थिएनन् ।

अमेरिकाका लागि नितिष कुमारले ३०, कोरी एन्डरसनले २९, हरमित सिंहले २१, स्टीभन टेलरले १२ रन जोडे । अमेरिकालाई सस्तैमा सिमित गराउन इंग्ल्यान्डका क्रिस जोर्डनले ह्याट्रिकसहित ४, साम करन र आदिल रासिदले २–२ तथा रिस टोपेल र लियाम लेभिङस्टनले १–१ विकेट लिए ।

अमेरिकाले आफ्नो छैटौं विकेट ११५ रनमा गुमायो, तर त्यसपछि टोलीले एक रन जोड्न सकेन र अर्को पाँच विकेट बिना कुनै रन गुमायो । टी–२० मा कुनै टोलीले एउटै स्कोरमा पाँच विकेट गुमाएको यो तेस्रो पटक हो । यसअघि पाकिस्तानले सन् २०१० मा अष्ट्रेलिया र केन्याले २०२२ मा मालीविरुद्ध गरेको थियो ।

इंग्ल्यान्डलाई सहज जित दिलाउन कप्तान जोस बटलरले ३८ बलमा ८३ रनसहित अविजित रहे । उनले ६ चौका र ७ छक्का प्रहार गरे । यस्तै, फिल साल्ट २१ बलमा २५ रनमा अविजित रहे ।