• २९ असार २०८१, शनिबार
  •      Sat Jul 13 2024
  •   Unicode
Logo

टी–२० विश्वकपको इतिहासमा पहिलो खेल खेलेका वेस्ट इन्डिज र दक्षिण अफ्रिका भिड्दै



एजेन्सी । ११ सेप्टेम्बर २००७ । टी–२० विश्वकपको इतिहासमा यो दिन पहिलो खेल खेलिएको थियो । यो खेलमा वेस्ट इन्डिज र दक्षिण अफ्रिका आमनेसामने भएका थिए ।

खेलमा दक्षिण अफ्रिकाले टस जितेर बलिङ गर्ने निर्णय गरेको थियो । पहिले ब्याटिङ गरेको वेस्ट इन्डिजले क्रिस गेलको शतकको मद्दतले २० ओभरमा ६ विकेट गुमाएर २०५ रन बनाएको थियो ।

जवाफमा दक्षिण अफ्रिकाले १७.४ ओभरमा २ विकेट गुमाएर लक्ष्य पुरा गर्यो ।

त्यो खेलको अर्को चाखलाग्दो कुरा के थियो भने हार्ने टोलीका खेलाडीलाई खेलको ‘प्लेयर अफ द म्याच’ चुनिएको थियो । वेस्ट इन्डिजका क्रिस गेल प्लेयर अफ द म्याच भएका थिए । त्यो विश्वकपको आयोजक दक्षिण अफ्रिका थियो भने यसपटक वेस्ट इन्डिज आयोजक छ ।

आज फेरि यी दुई टोली टी–२० विश्वकप २०२४ को १० औं सुपर–८ खेलमा आमनेसामने हुँदैछन् । सर भिभियन रिचर्ड्स स्टेडियम, एन्टिगुआमा खेल सोमबार बिहान ६ः१५ बजे सुरु हुनेछ ।

टी–२० अन्तर्राष्ट्रियमा दुई टोली २ पटक भिडेका छन् । जसमा दुबै टोली ११–११ खेलमा विजयी भएका छन् । यस्तै, टी–२० विश्वकपमा दुई टोलीबीच ४ खेल भएको छ । जसमा ३ खेल दक्षिण अफ्रिकाले जितेको छ भने १ खेल वेस्ट इन्डिजले जितेको छ ।

यो खेल आयोजक वेस्ट इन्डिजका लागि महत्वपूर्ण हुनेछ । टोलीको २ खेलमा २ अंक छ र रनरेट समुह–२ का सबै टोलीमध्ये उत्कृष्ट छ । घरेलु टोलीले सेमिफाइनल पुग्ने हो भने यो अन्तिम खेल जित्नुपर्छ । साथै, उसको रन रेट दक्षिण अफ्रिका वा इङ्ल्यान्ड टोलीभन्दा राम्रो हुनुपर्छ ।

टोलीको रन रेट हाल दुवै टोलीको तुलनामा राम्रो छ, त्यसैले दक्षिण अफ्रिकालाई हराएर पनि टोली सेमिफाइनलमा पुग्न सक्छ । अर्कोतर्फ, दक्षिण अफ्रिका सुपर–८ का सुरुवाती दुवै खेल जितेर अंक तालिकाको शीर्ष स्थानमा रहेको छ ।