• ४ श्रावण २०८१, शुक्रबार
  •      Fri Jul 19 2024
  •   Unicode
Logo
Latest
★   हात्तीको आक्रमणबाट कोशीमा १० जनाको मृत्यु, २५ घाइते ★   अर्थतन्त्रलाई चलायमान बनाउन मौद्रिक नीति कठोर हुनुहुँदैन: प्रधानमन्त्री ★   पर्या–पर्यटन प्रवर्द्धन गर्न सोभातालमा डुङ्गा सञ्चालन ★   गृष्मकालिन पेरिस ओलम्पिकमा सहभागी हुने खेलाडीलाई राष्ट्रपतिको शुभकामना ★   तोलामा रु दुई हजारले घट्यो सुनको मूल्य ★   भारतको २०२४–२५ को लागि जीडीपी वृद्धि प्रक्षेपण ७ प्रतिशत ★   सिमलताल दुर्घटना: २३ जनाको शव फेला, नौँ जनाको सनाखत हुन बाँकि (सूचीसहित) ★   काठमाडौंमा किन महंगियो तरकारी? यस्तो छ उपभोक्ताको भनाइ ★   न्यूरोडमा फुटपाथ विस्तारको विरोध गर्दै सडकमा उत्रिए स्थानीय ★   विद्यालय शिक्षा विधेयक: सांसदले आफ्नै संशोधन बिर्सन थालेपछि..

भारत र अष्ट्रेलियाः कोहली भर्सेस जाम्पा, स्टार्क र रोहित आमनेसामने, वार्नरको अगाडि बुमराह बाधा



काठमाडौँ । टी–२० विश्वकपमा सुपर–८ अन्तर्गत सोमबार भारत र अष्ट्रेलियाबीच रोमाञ्चक खेल हुँदैछ । ग्रोस आइलेटस्थित ड्यारेन सामी राष्ट्रिय क्रिकेट स्टेडियममा दुई टोलीबीच कडा प्रतिस्पर्धा हुनेछ ।

भारतले सुपर ८ का यसअघिका खेलमा अफगानिस्तान र बंगलादेशलाई पराजित गरेको थियो । यो खेलमा जितसँगै भारत समूह १ को अंक तालिकाको शीर्ष स्थानमा रहँदै सेमिफाइनलमा पुग्ने छ ।

अर्कोतर्फ अष्ट्रेलियालाई यो खेल जित्नैपर्ने दबाब छ । आइतबार अफगानिस्तानसँग हार बेहोरेसँगै अष्ट्रेलियाको सेमिफाइनल यात्रा कठिन बनेको हो ।

कोहली र जाम्पाबीच भिडन्त


भारत र अष्ट्रेलियाबीच हुने यस खेलमा सबैको नजर दुवै टोलीको विस्फोटक ब्याटिङ लाइनअपमा हुनेछ । जहाँ विराट कोहलीले एडम जाम्पाको सामना गर्नेछन् । मध्य ओभरमा अस्ट्रेलियाका बलर भारतका लागि समस्या बन्न सक्छन् । जाम्पाले ८४ इनिङ्समा ७.२ को इकोनोमी रेटमा १०३ विकेट लिएका छन् । यस्तै, टी–२० विश्वकपमा उनले १९ इनिङ्समा ३४ विकेट लिएका छन् ।

तर, कोहली पनि पछि छैनन् । उनले टी–२० विश्वकपको २९ इनिङ्समा १२९.७ को स्ट्राइक रेटमा ११७० रन बनाएका छन् । जसमध्ये उनको नाममा १४ अर्धशतक छ । बंगलादेशविरुद्धको अन्तिम खेलमा उनले २८ बलमा एक चौका र तीन छक्का प्रहार गर्दै ३७ रनको बलियो इनिङ खेले ।

भारतलाई राम्रो सुरुवात दिलाउन स्टार ब्याट्सम्यानले महत्वपूर्ण भूमिका खेलेका थिए । कोहली र जाम्पाले टी–२० अन्तर्राष्ट्रिय खेलका १२ इनिङ्स खेलेका छन् । जसमा उनले ७४ रन बनाएका छन् । योसँगै लेग स्पिनरले उनलाई तीन पटक आफ्नो शिकार बनाएका छन् ।

रोहितको सामना स्टार्कसँग


कोहलीलाई रोहित शर्माले साथ दिनेछन् जसले अस्ट्रेलियाका लिजेण्ड मिचेल स्टार्कको सामना गर्नेछन् । घातक बलरले खेलको सुरुदेखि नै भारतलाई दबाब दिने प्रयास गर्नेछन् । तर, रोहितको फर्ममा हुनु राम्रो संकेत हो । शनिबार भएको खेलमा रोहितले ११ बलमा २३ रनको महत्वपूर्ण इनिङ खेलेका थिए । यस क्रममा उनले २०९.०९ को स्ट्राइक रेटमा तीन चौका र एक छक्का प्रहार गरे। क्रिकेटको यो ढाँचामा दुवै खेलाडी पाँच पारीमा आमनेसामने भएका छन् ।

रोहितले १६ बलमा २३ रन बनाएका छन् । योसँगै स्टार्कले उनलाई एक खेलमा आउट गरेका छन् । रोहित बायाँ हाते फास्ट बलरहरु विरुद्ध संघर्ष गरिरहेको देखिन्छ । हालै अफगानिस्तानविरुद्धको खेलमा फजलहक फारुकीबाट उनी आउट भएका थिए । सन् २०२४ मा उनी आठ पटक बायाँ हाते बलरको सिकार बनेका छन् । उनले १९ इनिङ्समा १२८ रन बनाएका छन् ।

बुमराह र वार्नरबीच भिडन्त


भारतको तीव्र बलिङ आक्रमण अहिलेसम्म कुनै पनि टोलीविरुद्ध प्रभाव पार्न सफल भएको छ । अनुभवी बलर जसप्रित बुमराहले हालको प्रतियोगिताको पाँच इनिङ्समा १० विकेट लिएका छन् । अहिलेसम्म उनी पावरप्लेमा भारतलाई सफलता दिलाउन सफल भएका छन् ।

यस्तो अवस्थामा डेभिड वार्नर र बुमराहबीच भिडन्त हुनसक्छ । क्रिकेटको यो फर्म्याटमा दुवै ११ इनिङ्समा आमनेसामने भएका छन् । जसमा बुमराहले वार्नरलाई दुई पटक आउट गरेका छन् ।

दुवै टोलीका सम्भावित–११
भारतः रोहित शर्मा (कप्तान), विराट कोहली, ऋषभ पन्त (विकेटकिपर), सूर्यकुमार यादव, शिवम दुबे, हार्दिक पाण्ड्या, रविन्द्र जडेजा, अक्षर पटेल, अर्शदीप सिंह, कुलदीप यादव, जसप्रित बुमराह ।

अष्ट्रेलियाः डेभिड वार्नर, ट्राभिस हेड, मिचेल मार्श (कप्तान), ग्लेन म्याक्सवेल, मार्कस स्टोइनिस, टिम डेभिड, म्याथ्यू वेड (विकेटकिपर), प्याट कमिन्स, मिचेल स्टार्क, एडम जाम्पा, जोश हेजलवुड ।