काठमाडौँ । नेपाली राष्ट्रिय टिमका कप्तान रोहित पौडेलले टी२० विश्वकपमा ब्याटिङमा सोचेजस्तो राम्रो गर्न नसकेको बताएका छन् ।
प्रतियोगितामा सहभागी भएर स्वदेश फर्किएपछि आयोजित पत्रकार सम्मेलनमा बोल्दै कप्तान पौडेलले अमेरिका र वेस्ट इन्डिजको पीच ब्याटिङका लागि च्यालेन्जिङ भएको बताए ।
रोहितले पिचको कन्डिसन र आफ्नो ब्याटिङ लाइनअप सोचेअनुरुप चल्न नसक्दा पराजय भएको बताए। उनले भने, ‘हामीमा एक्सपेरियन्स भन्दा त्यहाँको सर्फेस नै ब्याटिङका लागि च्यालेन्जिङ थियो।’
विश्वकपमा नेपाललले अन्तिम दुई खेलमा टेस्ट टोली विरुद्ध लो–स्कोरिङ खेलका बाबुजत पनि पराजित भएको थियो । नेपालले दक्षिण अफ्रिकासँग एक सय १६ र बंगलादेशसँग एक सय ७ रनको लक्ष्य पाएको थियो ।
तस्बिरः हरिराम भेटुवाल÷रासस
