काठमाडौं । निर्वाचन आयोगले सरकारलाई तत्काल स्थानीय तहको निर्वाचन मिति यथाशीघ्र तोक्न आग्रह गरेको छ ।मंगलबार एक विज्ञप्ति जारी गर्दै आयोगले तत्काल चुनावको मिति तोक्न आग्रह गरेको हो ।
'वर्तमान संवैधानिक एवम् कानूनी व्यवस्थाको आधारमा स्थानीय तहको निर्वाचनको मिति तोक्ने काम जति बिलम्ब हुँदै जान्छ, त्यति नै निर्वाचन व्यवस्थापनको कार्य व्यवहारिक एवम् प्राविधिक कारणले जटिल बन्दै जान्छ भन्ने तथ्यलाई दृष्टिगत गरी स्थानीय तह निर्वाचन ऐन, २०७३ को दफा ४ को उपदफा (१) बमोजिम आयोगको परामर्शमा आगामी स्थानीय तहको निर्वाचनको मिति यथाशीघ्र तोक्न नेपाल सरकार समक्ष निर्वाचन आयोग आग्रह गर्दछ ।' विज्ञप्तीमा भनिएको छ ।
