• २९ असार २०८१, शनिबार
  •      Sat Jul 13 2024
  •   Unicode
Logo
Latest
★   त्रिशूलीमा बेपत्ता तीन जनाको शव फेला ★   सूचना प्रविधि क्षेत्रको विकासलाई सरकारले प्राथमिकतामा राख्नुपर्छ:अध्यक्ष ढकाल ★   स्रष्टाले सम्झिए आदिकवि ★   प्रहरी जवानको परीक्षा दिँदै गरेका छ नक्कली परीक्षार्थी पक्राउ ★   चाइना निर्माण कम्पनीसँगको समन्वयमा पूर्वपश्चिम राजमार्गका खाल्डाखुल्डी पुर्दै ट्राफिक प्रहरी ★   पशुपति क्षेत्रमा गङ्गामाई रथयात्रा ★   नारायणीमा दुईवटा शव फेला ★   ओली सरकारमा लोसपा सहभागी हुने, मन्त्री छान्ने जिम्मा अध्यक्ष ठाकुरलाई ★   आइतबारका लागि निर्धारित प्रतिनिधिसभाको बैठक सोमबार सर्यो ★   एमाले अध्यक्ष ओली आइतबार चौंथोपटक प्रधानमन्त्री बन्दै !

नेपालका कप्तान रोहितसँग झगडा गर्ने बंगलादेशका बलरलाई आईसीसीले लगायो जरिवाना



काठमाडौँ । टी-२० विश्वकप अन्तर्गत आफ्नो अन्तिम खेलमा सोमबार नेपालले बंगलादेशसँग प्रतिस्पर्धा गरेको थियो । खेलमा नेपाल २१ रनले पराजित भयो ।

१०६ रनको लक्ष्य पछ्याएको नेपाली टोलीले तेस्रो ओभरमा दुई विकेट गुमाएको थियो । बंगलादेशका तान्जिम हसन शकिबले ओभरको दोस्रो बलमा कुशल भुर्तेल र चौथो बलमा अनिल शाहको विकेट लिए ।

त्यसपछि नेपालका कप्तान रोहित पौडेल मैदानमा आए । तान्जिमले उनलाई दुईवटा डट बल बोल्ड गरे र दुवैले एकअर्कालाई हेर्न थाले । यसपछि दुवैबीच झगडा सुरु भयो । अम्पायरले बंगलादेशका कप्तान नजमुल हुसेन शान्तोसँग कुरा गरेर मामिला शान्त गराए ।

यसैबीच, अब आईसीसीले तान्जिमलाई कारबाही गरेको छ । आईसीसीले उनीमाथि ‘म्याच फि’ को १५ प्रतिशत जरिवाना गराएको हो । आईसीसीले आचारसंहिताको २.१२ अन्तर्गत ‘खेलाडीको व्यक्तिगत समर्थनलाई लिएर खेलाडी, खेलाडी सहयोगी कर्मचारी, अम्पायर, म्याच रेफ्री वा अन्य कुनै व्यक्तिसँग अनुपयुक्त शारीरिक सम्पर्क (अन्तर्राष्ट्रिय खेलको समयमा दर्शक सहित ।’ मा तान्जिम दोषी पाइएको जनाएको छ ।

तान्जिमले खेलमा ४ ओभरमा ७ रनमात्रै खर्चेर चार विकेट लिएका थिए । उनी प्लेयर अफ द म्याच समेत बनेका थिए ।