एजेन्सी । पाकिस्तान टी–२० विश्वकप २०२४ बाट बाहिरिएको छ । बाबर आजमको कप्तानीमा रहेको पाकिस्तानी क्रिकेट टोली लिग चरणबाटै बाहिरिएको हो । यसपछि पाकिस्तान क्रिकेट निकै समस्यामा परेको छ । तर, अब पाकिस्तानी अलराउन्डर इमाद वासिमले पाकिस्तानी क्रिकेटको दुर्दशाबारे बयान दिएका छन् ।
इमाद वासिमले भने, ‘यो पाकिस्तानी क्रिकेटको सबैभन्दा तल्लो स्तर हो, यसबाट तल जान मिल्दैन। यस मामिलामा कुनै शंका छैन। हामी प्रतियोगिताबाट बाहिर छौं, हाम्रा खेलाडीहरूका लागि यो सजिलो समय होइन, तर तपाईंले यो अन्तर्राष्ट्रिय म्याच हो भनी स्वीकार गर्नुपर्छ, विश्वकपका खेलहरूलाई हल्का रूपमा लिनु हुदैन थियो ।’
यस बाहेक इमाद वासिमले भारतसँगको हारको बारेमा आफ्नो धारणा व्यक्त गरेका छन् । उनले भने, ‘भारतविरुद्ध पाकिस्तानको जित निश्चित मानिएको थियो, तर अन्तिम ओभरमा खेल परिवर्तन भयो।’ यो सँगै इमाद वासिमको ब्याटिङमा पनि धेरै प्रश्न उठेका थिए । यसबारे उनले भनका छन्, ‘हाम्रो रणनीति खेललाई अन्तिमसम्म लैजाने थियो। किनभने पिचमा ब्याटिङ गर्न सजिलो थिएन। जसका कारण हाम्रो टोलीले पराजय भोग्नुपरेको थियो ।’
यसैबिच, इमाद वासिमको सन्यासलाई लिएर लगातार प्रश्न उठिरहेको छ । यो प्रश्नको जवाफमा इमाद वासिमले भने, ,टी–२० विश्वकपमा हाम्रो एक खेल बाँकी छ, त्यसपछि मैले सन्यास लिएर के गर्ने भन्ने निर्णय गर्छु ।’
उनी थप भन्छन्, ‘इमानदारीपूर्वक भन्नुपर्दा पाकिस्तानी टोलीमा धेरै समस्या छन्, जसको समाधान आवश्यक छ । म विश्वस्त छु कि पाकिस्तान क्रिकेट बोर्ड र अध्यक्षले सबै समस्या समाधान गर्नेछन्।
