काठमाडौँ । टी–२० विश्वकप अन्तर्गत दक्षिण अफ्रिकाले नेपाललाई ११६ रनको लक्ष्य दिएको छ । टस हारेर ब्याटिङ थालेको अफ्रिकाले २० ओभरमा ७ विकेटको क्षतिमा ११५ रन जोड्यो ।
उसका लागि रिजा हेन्ड्रीक्सले ४३, ट्रीस्टन स्टब्सले अविजित २७ रन जोड्दा एडियन मार्करमले १५ तथा क्वीन्टन डी ककले १० रन जोडे ।
बलिङतर्फ नेपालका कुशल भुर्तेलले ४ तथा दिपेन्द्र सिंह ऐरीले ३ विकेट लिए ।
नेपाल र दक्षिण अफ्रिका पहिलो पटक आमनेसामने भएका हुन् । नेपाललाई अन्तिम आठमा स्थान बनाउनका लागि दक्षिण अफ्रिकाविरुद्धको आजको खेल जित्नैपर्ने दबाब छ । दक्षिण अफ्रिका भने समूह ‘डि’बाट सुपर आठमा पुगिसकेको छ ।
