काठमाडौं। नेपाल कम्युनिस्ट पार्टी (नेकपा) नेपाल–दाहाल समुहको आज पनि स्थायी समितिको बैठक बस्दैछ । मध्यान्न पार्टी कार्यालय पेरिसडाँडामा बस्ने बैठकमा आईतबार बसेको स्थायी समितिको बैठकमा पेश गरिएको बिभिन्न पाँचओटा प्रस्ताबमा छलफल हुने जनाईएको छ ।
एक अध्यक्ष पुष्पकमल दाहाल पत्नी सीता दाहालको उपचारमा लागि भारत गएका कारण अर्का अध्यक्ष माधबकुमार नेपालको अध्यक्षतामा बस्ने बैठकमा सांगठनिक विषय, नेताहरुको कार्यविभाजन लगायतका विषय टुंगो लगाउन अध्यक्ष माधब नेपालको संयोजकत्वमा गठित कार्यदलको अनुमोदन गर्नुका साथै प्रतिनिधिसभा विघटनविरुद्ध तयार पारिएको संघर्षका कार्यक्रम का बारेमा पनि समिक्षा हुने जनाईएको छ ।
यसै गरी प्रदेश , जिल्ला र जनबर्गिय संगठन तथा मोर्चा को एकताको काम अघि बढाउने तथा सरकारले गरेका गलतकामको बारेमा जनतालाई बुझाउने लगायत बिषयमा पनि छलफल हुने छ ।
