• ४ श्रावण २०८१, शुक्रबार
  •      Fri Jul 19 2024
  •   Unicode
Logo
Latest
★   अर्थतन्त्रलाई चलायमान बनाउन मौद्रिक नीति कठोर हुनुहुँदैन: प्रधानमन्त्री ★   पर्या–पर्यटन प्रवर्द्धन गर्न सोभातालमा डुङ्गा सञ्चालन ★   गृष्मकालिन पेरिस ओलम्पिकमा सहभागी हुने खेलाडीलाई राष्ट्रपतिको शुभकामना ★   तोलामा रु दुई हजारले घट्यो सुनको मूल्य ★   भारतको २०२४–२५ को लागि जीडीपी वृद्धि प्रक्षेपण ७ प्रतिशत ★   सिमलताल दुर्घटना: २३ जनाको शव फेला, नौँ जनाको सनाखत हुन बाँकि (सूचीसहित) ★   काठमाडौंमा किन महंगियो तरकारी? यस्तो छ उपभोक्ताको भनाइ ★   न्यूरोडमा फुटपाथ विस्तारको विरोध गर्दै सडकमा उत्रिए स्थानीय ★   विद्यालय शिक्षा विधेयक: सांसदले आफ्नै संशोधन बिर्सन थालेपछि.. ★   पोखरा विश्वविद्यालयको नयाँ भवन बन्दै

टी–२० विश्वकप खेलाइएको न्युयोर्कको नासाउ काउन्टी स्टेडियम भत्काइँदै



एजेन्सी । सन् २०२४ को आईसीसी टी–२० विश्वकप वेस्ट इन्डिज र अमेरिकाले संयुक्त रुपमा आयोजना गरिरहेका छन् । पहिलो पटक अमेरिकी टोली आईसीसीको प्रतियोगितामा सहभागी हुँदैछ र यी खेलहरू अमेरिकामा नै आयोजना हुँदैछन् ।

यसका लागि आइसीसीले यसअघि फ्लोरिडा र टेक्सासको मैदान छनोट गरे पनि खेल न्यूयोर्कको नासाउ काउन्टी स्टेडियममा खेलाउने निर्णय भएको थियो ।

यस स्टेडियममा भारतीय टोलीले आफ्ना तीन खेल खेलेको थियो र तीनवटै खेल भारतले जितेको थियो । हिजो भएको खेलमा भारतले अमेरिकालाई ७ विकेटले पराजित गर्दै सुपर ८ मा आफ्नो स्थान पक्का गरेको हो ।

यो खेलपछि भोलिदेखि यो रंगशाला भत्काउने काम सुरु हुनेछ । समाचार एजेन्सी एएनआईले एक भिडियो साझा गरेको छ जसमा बुलडोजरहरू स्टेडियम भत्काउन स्थलतिर गइरहेको देखिन्छ ।

आईसीसी टी–२० विश्वकप २०२४ को लागि न्यूयोर्कको नासाउ काउन्टी इन्टरनेशनल स्टेडियमको तयारीमा करिब ४०० करोड रुपैयाँ खर्च गरिएको थियो, जसमा क्रिकेटको लागि पहिलो मोड्युलर स्टेडियम तयार गरिएको थियो । हालै यसै रंगशालामा भएको खेलमा भारतले अमेरिकालाई ७ विकेटले पराजित गर्दै जितको ह्याट्रिक पुरा गरेको थियो ।

यो खेलपछि एएनआईले सामाजिक सञ्जालमा एउटा भिडियो शेयर गरेको छ, जसमा मैदानमा बुलडोजर देखिएका छन्, जसले यस स्टेडियमलाई छिट्टै भत्काउन लागेका छन् । यस स्टेडियमको कुल सिट क्षमता ३४ हजार छ र यो स्टेडियमले भारत र पाकिस्तानबीचको खेल सहित भारतका तीनवटै समूहका खेलहरू आयोजना गरेको थियो ।

नासाउ काउन्टी इन्टरनेशनल क्रिकेट स्टेडियमको निर्माण सेप्टेम्बर २०२३ मा सुरु भएको थियो, त्यसपछि यो १०६ दिन भित्र सम्पन्न भयो । अब यो रंगशाला ६ साताभित्र भत्काइनेछ ।

यस स्टेडियममा भारत र अमेरिकाबीचको अन्तिम खेल खेलिएको थियो, जसलाई जितेर भारतले विश्वकपको सुपर ८ मा स्थान बनाएको थियो । अब भारतीय टोलीले समूहको अन्तिम खेलमा क्यानडाको सामना गर्नेछ ।