• ४ श्रावण २०८१, शुक्रबार
  •      Fri Jul 19 2024
  •   Unicode
Logo
Latest
★   कोटेश्वरस्थित गेष्टहाउसबाट छ जना बालिकाको उद्धार ★   खोटाङको एउटै पालिकामा ७४ टन लिच्ची उत्पादन ★   पहिराेले फक्ताङलुङ गाउँपालिका केन्द्रमा क्षति ★   सुहाङ नेम्वाङ भन्छन्– विकास र समृद्धिको बाधक के हो ? को हो ? ★   रोटरी क्लब अफ स्वयम्भूद्वारा वृक्षरोपण ★   राजाको कुरा गरेर निरङ्कुशता खोजेको होइन : कमल थापा ★   महिला एसिया कपमा नेपालले युएईसँग प्रतिस्पर्धा गर्दै ★   हार्दिक पाण्ड्या–नताशाको सम्बन्धविच्छेद, दुबैले पुष्टि गरे ★   बाग्मती, गण्डकी, लुम्बिनी र सुदूरपश्चिम प्रदेशका केही स्थानमा भारी वर्षाको चेतावनी ★   बजार चलायमान बनाउने र सेयर कर्जा खुकुलो पार्ने तयारी

भारत टी–२० विश्वकपको सुपर ८ मा प्रवेश, १११ रनको लक्ष्य १८.२ ओभरमा पछ्यायो



काठमाडौँ । टी–२० विश्वकपको २५ औं खेलमा भारतले अमेरिकालाई ७ विकेटले पराजित गरेको छ । यो जितसँगै भारत विश्वकपको सुपर ८ मा प्रवेश गरेको छ । टोलीले पाकिस्तानलाई ६ रनले र आयरल्याण्डलाई ८ विकेटले पराजित गरेको थियो ।

नासाउ काउन्टी क्रिकेट स्टेडियममा बुधबार भएको खेलमा भारतीय टोलीले टस जितेर बलिङ गर्ने निर्णय गरेको थियो । अमेरिकाले २० ओभरमा ८ विकेट गुमाएर ११० रन बनाएको थियो । जवाफमा भारतीय टोलीले १८.२ ओभरमा ३ विकेटको क्षतिमा लक्ष्य पूरा गर्यो ।

सूर्यकुमार यादवले ४९ बलमा अविजित ५० रन बनाए भने शिवम दुबेले ३५ बलमा ३१ रनको अविजित इनिङ खेले । यी दुईबीच चौथो विकेटका लागि ६५ बलमा ६७ रनको साझेदारी भयो ।

ऋषभ पन्त १८ रन बनाएर आउट भए । कप्तान रोहित शर्माले ३ रन बनाए भने विराट कोहलीले खाता खोल्न सकेनन् । अमेरिकाका सौरभ नेत्रवलकरले २ तथा अली खानले एक विकेट लिए ।

अमेरिकाका लागि नितिश कुमारले सर्वाधिक २७ रन बनाए भने स्टिभन टेलरले २४ रनको योगदान दिए । भारतका अर्शदीप सिंहले ४ विकेट लिए । हार्दिक पाण्ड्याले २ सफलता हात पारे । अक्षर पटेलले एक विकेट लिए । एक ब्याट्सम्यान रनआउट भए ।