• ११ असार २०८१, मंगलवार
  •      Tue Jun 25 2024
  •   Unicode
Logo
Latest
★   प्रधानमन्त्रीको आवाजलाई नै नसुनि बजेट पारित भयो: सांसद खतिवडा ★   केदार कार्कीको रिट खारेज, मुख्यमन्त्रीमा हिक्मत कार्कीको निरन्तरता ★   बजेट शतप्रतिशत कार्यान्वयन गर्न सरकारले सामथ्र्य देखाउनुपर्छ: प्रमुख सचेतक बर्तौला ★   टेलिभिजन शोमा गरेको टिप्पणीलाई लिएर स्वस्तिमा र साम्राज्ञीले मागे जसितासँग माफी ★   अस्पताल भर्ना भएपछि पानी सङ्कटको विषयमा जारी भारतिय जलमन्त्रीको भोक हडताल समाप्त ★   आयकर ऐनको दफा ५७ लगानी प्रोत्साहनका लागि संशोधन गरिएको हो: अर्थमन्त्री पुन ★   बलिउड स्टारको पारिश्रमिक लगातार बढेपछि अनिल कपुरले दिए फ्रिमा काम गरेको उदाहरण ★   धनराजको घोषणा: मैले एक रुपैयाँ पनि भ्रष्टाचार गरेको प्रमाण ल्याए राजनीति छोड्छु ★   गगनको टिप्पणी: म जादुगर हो भनेको जस्तो गरी यताउति उफ्रिने काम प्रधानमन्त्रीलाई छोडिदिउँ ★   नेप्से परिसूचक पाँच दशमलव ६० अङ्कले बढ्यो

पाकिस्तानको लागि ‘गर या मर’को खेल, अर्को हारले २०२४ को टी–२० विश्वकपबाट बाहिरिने



एजेन्सी । टी–२० विश्वकप २०२४ को २२ औं खेलमा आज पाकिस्तानी टोलीले क्यानडाको सामना गर्दैछ । न्यूयोर्कको नासाउ काउन्टी इन्टरनेशनल क्रिकेट स्टेडियममा हुने यो खेल नेपाली समय अनुसार राति सवा ८ बजे सुरु हुनेछ ।

यो खेल पाकिस्तानका लागि ‘गर या मर’को हुनेछ । बाबर आजम नेतृत्व टोलीले आज हार्यो भने २०२४ को टी–२० विश्वकपको यात्रा यहीँ समाप्त हुनेछ ।

जारी विश्वकपमा पाकिस्तानी टोलीको यात्रा अहिलेसम्म लाजमर्दो रहेको छ । टोलीले पहिलो दुई खेलमा हार बेहोरेको थियो । पहिलो खेलमा आयोजक अमेरिकासँग पाकिस्तान सुपर ओभरमा पराजित भएको थियो ।

यसपछि कम स्कोर भएको खेलमा भारतीय टोलीले म्यान इन ग्रीनलाई ६ रनले हराएको थियो । लगातार २ हारपछि बाबर आजमको कप्तानीमा रहेको टोली समूह ए को चौथो स्थानमा पुगेको छ ।

अर्को हारले पाकिस्तानी टोलीलाई स्वदेश फर्काउनेछ । समूह ‘ए’ मा भारत र अमेरिकाले अहिलेसम्म आफ्ना दुवै खेल जितेका छन् र दुवै टोली ४ अंकसहित शीर्ष २ मा छन् । २ मध्ये १ खेल जितेको क्यानडा तेस्रो स्थानमा तथा कुनै खेल जित्न नसकेको पाकिस्तान चौथो स्थानमा र शून्य अंक जोडेको आयरल्यान्ड पाँचौ स्थानमा छ ।

क्यानडाले पाकिस्तानलाई हराएमा यो टोलीको ४ अंक हुनेछ । अर्कोतर्फ, पाकिस्तानले अन्तिम खेल जित्यो भने पनि उसको अधिकतम २ अंक मात्र हुनेछ । यस्तो अवस्थामा यस समूहका शीर्ष २ टोलीले मात्र सुपर ८ मा आफ्नो स्थान पक्का गर्नेछन् । समूहको अन्तिम खेलमा पाकिस्तानले आयरल्याण्डसँग खेल्नेछ । यो खेल फ्लोरिडामा जुन १६ मा हुनेछ ।