एजेन्सी । ओमान टी–२० विश्वकपको सुपर ८ को दौडबाट बाहिरिएको छ । टोलीले समूह चरणको पहिलो तीन खेलमा हार बेहोरेको थियो ।
योसँगै स्कटल्याण्ड ५ अंकसहित तालिकाको शीर्ष स्थानमा पुगेको छ । ओमानविरुद्ध स्कटल्याण्डको जितले इङ्ल्यान्डको सुपर–८ स्थान खतरामा परेको छ ।
विश्वकपको २० औँ खेलमा ओमानको खेल स्कटल्याण्डसँग एन्टिगुवाको सर भिभियन रिचर्ड स्टेडियममा भएको थियो । आइतबार राति ओमानले टस जितेर पहिले ब्याटिङ गर्ने निर्णय गर्दै निर्धारित २० ओभरमा ७ विकेट गुमाएर १५० रन बनाएको थियो । जवाफमा स्कटल्याण्डले १३.१ ओभरमा ३ विकेट गुमाएर लक्ष्य पछ्यायो ।
प्रत्येक समूहका शीर्ष २ टोली मात्रै अर्को चरण अर्थात सुपर ८ मा प्रवेश गर्नेछन् । स्कटल्याण्ड पहिलो नम्बरमा परेको छ । उसको अन्तिम खेल अस्ट्रेलियासँग छ । यदि अष्ट्रेलियाविरुद्ध यो खेल जित्यो भने उसको स्थान पक्का हुनेछ । योसँगै स्कटल्याण्डले हार्दा पनि उसको सम्भावना इङ्ल्यान्डमा निर्भर हुनेछ । सुरक्षित रहन स्कटल्याण्डले ओमानविरुद्ध १३ ओभरमा ठूलो जित दर्ता गरिसकेको छ ।
इंग्ल्याण्डले २ खेल खेलेको छ । एउटा बराबरी र एक हारेको थियो । योसँगै टोलीको १ अंक छ । यदि उसले अर्को २ खेल जित्यो भने पनि टोलीको स्कटल्याण्ड बराबर ५ अंक मात्र हुनेछ । अस्ट्रेलियाले स्कटल्याण्डलाई हराएमा इंग्ल्याण्डले दुवै खेल ठूलो अन्तरले जित्नुपर्नेछ ।
