काठमाडौँ । टी–२० विश्वकपमा भारतले पाकिस्तानलाई १२० रनको लक्ष्य दिएको छ । भारतका लागि ऋषभ पन्तले सर्वाधिक ४२ रन बनाए । उनी बाहेक कुनै पनि ब्याट्सम्यानले २० रनको अंक पार गर्न सकेनन् ।
पूरा टोली १९ ओभरमा ११९ रनमा अलआउट भयो । अक्षर पटेलले २० तथा रोहित शर्माले १३ रन बनाउँदा अन्य ब्याट्सम्यानले दोहोरो अंकमा रन बनाउन सकेनन् ।
वर्षाका कारण ढिलो सुरु भएको यो खेलमा भारतले पावरप्लेमा २ विकेट गुमाएर ५० रन बनाएको थियो तर त्यसपछि १३ ओभरमा ६९ रन मात्रै बनाउन सकेको थियो ।
पाकिस्तानका नसिम शाहले ३ विकेट लिए । मोहम्मद आमिरले १५ औं ओभरमा ऋषभ पन्त र रविन्द्र जडेजाको विकेट लिएर भारतलाई ब्याकफुटमा धकेले ।
पाकिस्तानका लागि पेसर्सले सबै विकेट लिए । नसिम शाह ३, हरिस रउफ ३, मोहम्मद आमिरले २ तथा शाहिन शाह अफ्रिदीले १ विकेट लिए ।
नासाउमा हालसम्म ४ खेल खेलिएको छ भने ३ खेल चेजिङ टोलीले जितेको छ । टी–२० विश्वकपको कुरा गर्ने हो भने यस प्रतियोगितामा भारत र पाकिस्तानबीचको यो आठौं भिडन्त हो । पछिल्ला ७ खेलमा भारतले ६ र पाकिस्तानले १ खेल जितेको छ ।
