काठमाडौं । आइसीसी टी–२० विश्वकपमा दक्षिण अफ्रिकाले लगातार दोस्रो जित निकालेको छ ।
शनिबार राति भएको खेलमा दक्षिण अफ्रिकाले नेदरल्याण्ड्सलाई चार विकेटले हराउँदै लगातार दोस्रो जित निकालेको हो ।
नेदरल्याण्ड्सले दिएको १०४ रनको लक्ष्य दक्षिण अफ्रिकाले सात बल बाँकी छँदै ६ विकेटको क्षतिमा भेट्टायो ।
दक्षिण अफ्रिकाको जितमा डेभिड मिलरले अर्धशतक प्रहार गरे । ५१ बलको सामना गरेका मिलरले तीन चौका र चार छक्काको मदतमा ५९ रन बनाए ।
त्यस्तै ट्रिस्टन स्टब्सले ३३ रन बनाए । अन्य ब्याट्सम्यानले दोहोर अंकमा रन बनाउन सकेनन् ।
नेदरल्याण्ड्सका लागि भिभियन किङ्मा र लोगान भ्यान बेकले दुई-दुई विकेट लिए । बास डे लीडेको नाममा एक विकेट रह्यो ।
त्यसअघि न्यूयोर्कस्थित नसाउ काउन्टी स्टेडियममा टस हारेर पहिले ब्याटिङ गरेको नेदरल्याण्ड्सले निर्धारित २० ओभरमा १०३ रन बनाएको थियो ।
नेदरल्याण्ड्सका लागि साइब्रान्ड इन्जेलबेच्टले सर्वाधिक ४० रन बनाए ।
त्यस्तै विक्रमजीत सिंहले १२, कप्तान स्कट एडवर्ड्सले १०, बास डे लीडेले ६ बनाए । लोगान भ्यान बेकले २३ रन बनाउदा माइकल लेविट र तेजा निदामनुरु शुन्य रनमा आउट भए ।
दक्षिण अफ्रिकाका लागि एन्रिच नोर्ते, बार्टम्यान र मार्को यानसनले दुई-दुई विकेट लिए ।
