• ११ असार २०८१, मंगलवार
  •      Tue Jun 25 2024
  •   Unicode
Logo
Latest
★   प्रधानमन्त्रीको आवाजलाई नै नसुनि बजेट पारित भयो: सांसद खतिवडा ★   केदार कार्कीको रिट खारेज, मुख्यमन्त्रीमा हिक्मत कार्कीको निरन्तरता ★   बजेट शतप्रतिशत कार्यान्वयन गर्न सरकारले सामथ्र्य देखाउनुपर्छ: प्रमुख सचेतक बर्तौला ★   टेलिभिजन शोमा गरेको टिप्पणीलाई लिएर स्वस्तिमा र साम्राज्ञीले मागे जसितासँग माफी ★   अस्पताल भर्ना भएपछि पानी सङ्कटको विषयमा जारी भारतिय जलमन्त्रीको भोक हडताल समाप्त ★   आयकर ऐनको दफा ५७ लगानी प्रोत्साहनका लागि संशोधन गरिएको हो: अर्थमन्त्री पुन ★   बलिउड स्टारको पारिश्रमिक लगातार बढेपछि अनिल कपुरले दिए फ्रिमा काम गरेको उदाहरण ★   धनराजको घोषणा: मैले एक रुपैयाँ पनि भ्रष्टाचार गरेको प्रमाण ल्याए राजनीति छोड्छु ★   गगनको टिप्पणी: म जादुगर हो भनेको जस्तो गरी यताउति उफ्रिने काम प्रधानमन्त्रीलाई छोडिदिउँ ★   नेप्से परिसूचक पाँच दशमलव ६० अङ्कले बढ्यो

टी–२० विश्वकपः अफानिस्तानसँग न्युजिल्यान्डको लज्जास्पद हार



काठमाडौँ । अमेरिका र वेस्ट इन्डिजमा जारी टी–२० विश्वकप अन्तर्गत न्युजिल्यान्डले हारबाट विश्वकपको सुरुवात गरेको छ । भर्खरै सम्पन्न खेलमा न्युजिल्यान्ड अफगानिस्तानसँग ८४ रनले पराजित भएको हो । अफगानिस्तानको भने यो लगातार दोस्रो जित हो ।

गुयानाको प्रोभिडेन्स स्टेडियमा अफगानिस्तानले दिएको १६० रनको लक्ष्य पछ्याएको न्युजिल्यान्ड १५.२ ओभरमा ७५ रनमै अलआउट भयो ।

उसका लागि ग्लेन फिलिप्सले १८ तथा म्याट हेनरीले १२ रन बनाउँदा अन्य ब्याट्सम्यानले दोहोरो अंकमा रन जोड्न सकेनन् ।

बलिङतर्फ अफगानिस्तानका राशिद खान र फजलहक फारुकीले ४–४ तथा मोहम्मब नाबीले २ विकेट लिए ।

त्यसअघि टस हारेर ब्याटिङ थालेको अफगानिस्तानले २० ओभरमा ६ विकेटको क्षतिमा १५९ रन जोड्यो । रहमानुल्लाह गुरबाजले सर्वाधिक ८० रन जोडे । ५६ बल खेलेका उनले ५ चौका र ५ छक्का प्रहार गरे ।

यस्तै, इब्राहिम जाद्रानले ४४ तथा अजमतुल्लाह ओमारजाईले २२ रनको योगदान दिए । बलिङतर्फ न्युजिल्यान्डका ट्रेन्ट बोल्ट र म्याट हेनरीले २–२ तथा लोकी फर्ग्युसनले १ विकेट लिए ।

अफगानिस्तानको न्युजिल्यान्डमाथि कुनै पनि फर्म्याटमा यो पहिलो जित हो । यसअघि एकदिवसीय र टी–२० का सबै ४ म्याच न्युजिल्यान्डको नाममा थियो ।