एजेन्सी । भारतीय टोलीका स्टार ब्याट्सम्यान विराट कोहली विश्वभर सबैभन्दा धेरै फलोअर हुने खेलाडीमध्ये एक हुन् । यस वर्ष कोहली सर्च इन्जिन गुगलको पूरै २५ वर्षको इतिहासमा सबैभन्दा धेरै खोजिएका क्रिकेटरहरूको शीर्षमा छन् ।
कोहली बाहेक महान सचिन तेन्दुलकर, एमएस धोनी, रोहित शर्मा जस्ता खेलाडीहरु पनि सूचीमा परेका छन् ।
कोहलीको एक झलक पाउनका लागि फ्यानहरूले कुनै पनि सीमा पार गर्छन् । विराटको क्रेज दिनप्रतिदिन बढिरहेको छ । अब उनको लोकप्रियतामा नयाँ उपलब्धि थपिएको छ । फुटबल स्टार नेयमार जुनियरलाई पछि पार्दै विराट सोसल मिडिया प्लेटफर्म ‘एक्स’ मा दोस्रो सर्वाधिक फलो हुने खेलाडी बनेका छन् ।
भारतीय टोलीका स्टार विराट कोहलीले फुटबल स्टार नेयमार जुनियरलाई पछि पारेर ठूलो उपलब्धि हासिल गरेका छन् । हालको स्थिति अनुसार ३५ वर्षीय कोहलीको सोसल मिडिया प्लेटफर्म ‘एक्स’ मा ६३.५ मिलियन फलोअर्स छन् ।
यस अवधिमा उनले ६३.४ मिलियन फलोअर भएका ब्राजिलियन अन्तर्राष्ट्रिय फुटबल नेयमारलाई पछि पारे भने रोनाल्डो १११.१४ करोड फलोअर्सका साथ शीर्ष स्थानमा छन् ।
