• ३१ जेष्ठ २०८१, बिहीबार
  •      Thu Jun 13 2024
  •   Unicode
Logo
Latest
★   हवाई उडानका लागि उड्डयन मौसम सेवा महत्वपूर्ण छ: मन्त्री बस्नेत ★   कोशी सरकार विरुद्धको रिट हेर्दाहेर्दैमा ★   कुमारीको मनोभावमा आधारित नाटक ‘अग्निच्क्षु’ मञ्चित ★   रूग्ण उद्योग पुनःसञ्चालनका लागि व्यवस्थित अध्ययन गरौँः प्रधानमन्त्री ★   विपद्लाई निमिट्यान्न गर्न सकिँदैन, न्युनिकरणका लागि सबै एक हुनुको विकल्प छैनः अध्यक्ष नेपाल ★   राष्ट्रपति पौडेलसँग महानिर्देशक हुंग्बोको शिष्टाचार भेट ★   जनप्रतिनिधि र पार्टीबीचको सम्बन्ध सुमधुर हुन आवश्यकः उपसभापति खड्का ★   अस्ट्रेलियाको भरमा इंग्ल्याण्ड टोली, अष्ट्रेलियाले उतार्ला कि पछार्ला ? ★   रूग्ण उद्योग पुन:सञ्चालनका लागि व्यवस्थित अध्ययन गरौँ: प्रधानमन्त्री ★   मन्त्रीपरिषद् पुनर्गठन गर्नेबारे मलाई जानकारी छैन, प्रधानमन्त्रीसँग सोधौँला: माधवकुमार नेपाल

टी–२० विश्वकपः दावेदार भारतले आयरल्याण्डको सामना गर्दै



एजेन्सी । भारतीय टोलीले आज बुधबार आयरल्याण्डविरुद्ध खेल्दै टी–२० विश्वकपको यात्रा सुरु गर्दैछ । दुई टोलीबीचको यो खेल न्युयोर्कको नासाउ काउन्टी इन्टरनेशनल स्टेडियममा नेपाली समयानुसार राति सवा ८ बजे सुरु हुनेछ ।

भारतले २०१३ यता आईसीसी ट्रफी जितेको छैन र टोली यस प्रतियोगितामा आफ्नो उपाधि खडेरी हटाउन खोज्नेछ ।

कप्तान रोहित शर्माका लागि आयरल्यान्डविरुद्धको जित ठूलो व्यक्तिगत उपलब्धि हुनेछ किनभने यदि भारत यो खेल जित्न सफल भयो भने रोहित कप्तानको रूपमा टी–२० मा सबैभन्दा धेरै जित्ने कप्तान बन्नेछन् ।

टी–२० आईमा यी दुई टोलीबीच ७ खेल भएका छन् । जसमा सातै खेल भारतले जितेको छ । टी–२० विश्वकपमा दुवै टोली एकपटक मात्र आमनेसामने भएका छन् । त्यो सन् २००९ को कुरा थियो । नटिङ्घम मैदानमा आयरिश टोलीले भारतलाई दिएको ११३ रनको सामान्य लक्ष्यलाई भारतीय ब्याट्सम्यानले १५.३ ओभरमा २ विकेट गुमाएर पुरा गरेको थियो ।

भारतीय टोली विश्वकपमा समूह ‘ए’ मा रहेको छ जसमा आयरल्याण्डसहित क्यानडा, अमेरिका र रहेका छन् । यसपटकको टी–२० विश्वकपमा २० टोलीको सहभागिता रहेको छ जसलाई पाँच–पाँच समूहमा विभाजन गरिएको छ । प्रत्येक समूहबाट शीर्ष दुई टोली सुपर ८ चरणका लागि छनोट हुनेछन् । आयरल्याण्डपछि भारतले आइतबार न्युयोर्कमा पाकिस्तानको सामना गर्नेछ ।

सम्भावित सुरुवाती-११

भारतः रोहित शर्मा (कप्तान), यशस्वी जैसवाल, विराट कोहली, सूर्यकुमार यादव, ऋषभ पन्त, अक्षर पटेल, हार्दिक पाण्ड्या, रविन्द्र जडेजा, कुलदीप यादव, जसप्रित बुमराह र मोहम्मद सिराज ।

आयरल्याण्डः पल स्टर्लिङ (कप्तान), एन्डी बालबर्नी, लोर्कन टकर (विकेटकिपर), ह्यारी टेक्टर, कर्टिस क्याम्फर, जर्ज डकरेल, मार्क एडेयर, ब्यारी म्याकार्थी, क्रेग यंग, ​​जोशुआ लिटल, बेन ह्वाइट ।